التحيه والتجله لكل المبادرات الجميله ..

زواج ( السنده ) هو مبادره شبابيه لتشجيع الزواج وتقليل تكاليفو علي العريس .. وهو عباره عن الإكتفاء بتقديم وجبه ( سندوتش ) أو ( سندة ) طعميه أو طحنيه للمعازيم .. وإنتهي البيان ..
دي فكره جميله جدآ تتماشي مع شرع ديننا الحنيف الذي يدعو إلي تبسيط تكاليف الزواج .. وأيضآ تتماشي مع ظروف بلدنا ( الطين ) دي .. وتكاليف الزواج المعتاده عندنا مهلكه جدآ للعريس وتجعل الشباب يهربون من الزواج والإكتفاء بالنظر ( للمزز ) كأحلام يستحيل الوصول إليها ( بأخوي واخوك ) وبالساهل كده .. وكمان في التانيين دييلك الما عندهم حدود ممكن يفتشوا ( للكيري ) ساي .. والسلخ خارج السلخانه .. 
عشان كده لازم ندعم مبادرة زواج ( السنده ) درءآ للمفاسد وحصانه لشبابنا من الحاجات الما كويسه كلو كلو ديك ..
( وأصلو العرس بالفاتحه يا ناس ما حلال ؟؟ ) ..

ندعوا الشباب وخصوصآ الشابات قبول وتقبل مبادرة زواج ( السنده ) عشان تعمروا الأرض دي كما أراد لنا الله تعميرها بالزواج والإنجاب ..
لأن عمر الفتاه محصور بين العشرين والأربعين .. ما دون العشرين يعتبر عمرها ( عقاب طفوله ) ساي .. وما فوق الاربعين بتدخل سن اليأس ( توووش ) جوه ( الجك ) .. عشان كده أدعموا وتقبلوا هذه المبادره الجميله بطيب خاطر وقناعه ..

الدنيا دي ما بتستحق اكتر من كده .
.